Para se te iki

Në shtator të vitit 2021, Flutura Açka, pas një fushate elektorale entuziaste në zonën
zgjedhore të qytetit të saj të lindjes, në Elbasan, hyri për herë të parë në Kuvendin e Shqipërisë.
Që nga rënia e diktaturës, ajo ka qenë e përfshirë shpesh në debatin publik si shkrimtare dhe botuese librash. Përpjekja e saj për të kontribuar në demokracinë shqiptare, për çlirimin e saj nga pushteti i regjimit autokratik që e kërcënon, e shtyu të merrte pjesë aktive në politikë.
A u përmbushën idealet që barti ajo me vete kur u përfshi në politikë? A është Shqipëria që ajo do të donte, tani në fund të mandatit parlamentar?
A është entuziaste me politikën apo e zhgënjyer prej saj? Përse ajo vendosi të mos merrte pjesë në Zgjedhjet Parlamentare të 11 majit të vitit 2025?
Në këtë përmbledhje shënimesh, ajo përpiqet të japë përgjigje, por edhe të shpjegojë vendimin e largimit nga politika, me një akt jo krejtësisht i heshtur. Ky libër është një mundësi për njohjen e politikës nga brenda, për qëndresësn dhe sigurinë e parimeve në politikë, për përkushtimin personal në higjienizimin e politikës dhe çështje që rrokin spektrin e plotë të sjelljes politike, publike dhe njerëzore të autores.